24 August 2008

Las edicions Gatuzain amenaçadas!

Ja parlèri aciu de las edicions Gatuzain e del sieu trabalh d'edicion de libres qu'agradan pas als poders estatals... E benlèu qu'aquelis libres èran vertadièrament tròp desagradius pel poder: jol pretèxt abitual ("sostenh a ETA") fait servir per l'Estat espanhòl contra totis los que lutan per l'independéncia del País Basc, l'Estat francés, sus demanda de l'Estat espanhòl, bloquèc los comptes bancaris de l'ostal d'edicions Gatuzain.

Fa ja bèl temps qu'aquò se debanèc (abril de 2008) mès, malaürosament, amb los mèdias qu'avem, es ara sonque qu'aprenguèri la marrida notícia. En me passejant sul malhum, posquèri véser que la situacion èra demorada la meteisha entrò junh de 2008. Pièi, pas nada notícia. Soi lavètz incapable, auèi lo dia, de díser quina es la situacion de Gatuzain, que lo sieu siti menciona pas l'afar e que lo sieu blòg s'arrèsta a junh de 2008.

Es benlèu adejà tròp tard del moment que redigissi aquest pòst :-(

04 August 2008

Blòg d'Anaram

Qu'aprenguèri que lo movement revolucionari de l'Esquèrra occitana Anaram au Patac qu'apitèc lo son blòg aciu. Un utís plan util entà seguir las activitats d'AAP, e mei pròishe de l'internauta que HAR/FAR.