Una bomba!!!

Es una bomba. Una bomba atomica!!! Lo darrèr CD dels Lou Dalfin marca definitivament la dominacion del grop de las Valadas Occitanas d'Itàlia dins lo domeni de la musica occitana contemporanèa.
O i es tot: lo fòlk-ròck de las tendéncias punk qu'es l'especialitat de Lou Dalfin, mès tanben la musica mai fòlk provençala o italianizanta, lo ròck mai modèrn e mai generic (pas necessàriament «etnic»), l'esquasi rap o slam. Lo tot amb un son dels gigantasses, irreprochable, de la qualitat de qualsevòl disc de ròck actual.
E la votz, puta canha! La votz plena e generosa d'en Sergio Berardo, que se compren plan tot çò que canta (çò qu'es malaürosament pas totjorn lo cas amb la produccion musicala occitana).
De crompar absoludament, e d'escotar de longa.
PS— pels que pòdon pas anar crompar lo disc en Itàlia, vos conselhi de far servir lo siti italian internetbookshop.it.