02 July 2008

Occitània coma Bielorussia?

Una emission interessanta sus Radio France Internationale. Un professor bielorús explica al jornalista de RFI que despèi qualques annadas lo poder bielorús abandona la lenga bielorussa (e mai sia la lenga oficiala del país) en favor de la lenga russa. E lo professor e lo jornalista de visitar lo solet licèu de Minsk que los corses i son encara donats en bielorús.
A malgrat la distança, a malgrat l'istòria fòrça diferenta, a malgrat l'estatut de lenga oficiala del bielorús e de lenga minorizada de l'occitan, me soi dit que fin finala la situacion del bielorús semblava la de l'occitan. Perqué? Perqué es pas Russia que demandèc a Bielorussia d'espotir la lenga bielorussa... son LOS QUITIS bielorusses qu'o fan. E es la meteisha causa en cò nòstre: cal n'acabar amb lo deliri dels "marrits parisencs": son LOS QUITIS occitans qu'an vergonha de sa lenga e que l'abandonan en favor del francés.

2 comments:

  1. godilhaire01:12

    quantas dels teus dròlles párlan occitan ? (e sonque occitan)

    ReplyDelete
  2. Ieu soi pas occitan..... Mès ai ensenhat l'italian (una de las mias doas lengas mairalas -- l'altra es l'ongrés) als dròlles. Solide es mai aisit que d'ensenhar l'occitan ja que pòdi aisidament lor crompar libres e DVD en italian, mercés al malhum. Çaquelà coneishi un fum d'italians, en França, qu'an pas transmés la lenga als dròlles. Lavètz soi ja pron urós que parlen italian.

    ReplyDelete