08 January 2009

Sinagògas de Tolosa e de Tolon: non a l'antisemitisme!

Lo laboratòri politic, cultural e social occitan Iniciativa Per Occitània condemna energicament los atemptats comeses amb de veituras en fuòc contra de sinagògas a Tolosa e a Tolon. La convivéncia religiosa, quinas que sián las cresenças e las non-cresenças, es una valor essenciala de la civilizacion occitana: per aiçò acceptam pas que d'estatjants d'Occitània pòscan patir l'intolerància pr'amor de lor religion.

Condemnam tanben la temptativa de fanatics de transpausar lo conflicte israelopalestinian en Occitània e recordam que la comunitat josieva participa dempuèi sempre al patrimòni istoric e cultural occitan.

Free Occitània!
Lo 7 de genièr de 2009,
Iniciativa Per Occitània

1 comment:

  1. De qué fa la polícia a Tolosa?!
    http://www.ladepeche.fr/article/2009/01/30/532566-Toulouse-L-indic-des-RG-fabriquait-des-bombes.html

    ReplyDelete